Innlent

Þorleifur: Borgarráð var blekkt

Magnús Már Guðmundsson skrifar
Þorleifur Gunnlaugsson, borgarfulltrúi VG, situr í velferðarráði.
Þorleifur Gunnlaugsson, borgarfulltrúi VG, situr í velferðarráði.

Þorleifur Gunnlaugsson, borgarfulltrúi Vinstri-grænna, segir að borgarráð hafi verið blekkt þegar yfirlýsing frá Heilsuverndarstöðinni og Hag var lögð fyrir borgarráð 26. júní síðastliðinn.

,,Þetta er mjög alvarlegt mál og yfirlýsingin er blekkjandi vegna þess að Hagur er ekki eigandi húsanna í Hólavaði heldur Í skilum. Vitnað var í samning fyrirtækis sem hefur ekkert með eignina að gera," segir Þorleifur.

Eigandi húsnæðisins sem Heilsuverndarstöðin ætlar að nýta sem áfangaheimili í raðhúsalengju í Norðlingaholti var tekinn til gjaldþrotaskipta í 8. apríl degi áður en velferðarráð ákvað að ganga til samninga við Heilsuverndarstöðina.

Þorleifur segir raðhúsalengjuna í Hólavaði hafa vegið afar þungt þegar ákvörðun meirihlutans um að ganga til samninga við Heilsuverndarstöðina var tekin. ,,Þetta er ekkert merkilegt húsnæði," segir Þorleifur og bætir við að slíkar fasteignir sé hægt að finna víða.

Þorleifur sér ekki fyrir endann á málinu. ,,Að sjálfsögðu getur verið að þetta leysist og Hagur nái að kaupa húsnæðið úr þrotabúi Í skilum," segir Þorleifur og bætir við að eðlilegra hefði verið að semja við SÁÁ um rekstur heimilisins þar sem tilboð samtakanna hafi verið fjórðungi lægra en tilboð Heilsuverndarstöðvarinnar.

- Óvissa með húsnæði áfangaheimilis

Tengdar fréttir

Segir sviðsstjóra pólitíska aðstoðarkona

Þorleifur Gunnlaugsson, borgarfulltrúi VG, segir Jórunni Frímannsdóttir hafa fengið sviðsstjóra velferðarsviðs Reykjavíkur með sér í ,,pólitískan slag" en saman hafa þær skrifað greinar um búsetuúrræði með félagslegum stuðningi.

Eðlilega staðið að samningi um áfangaheimili

Innri endurskoðun Reykjavíkurborgar telur málefnalegar forsendur liggja að baki ákvörðun velferðarráðs að semja við Heilsuverndarstöðina/Alhjúkrun um áfangaheimili fyrir einstaklinga eftir meðferð.

Málaferli erfið leið fyrir SÁÁ

Ari Matthíasson framkvæmdastjóri SÁÁ segir að samtökin eigi mikið undir samstarfi við Reykjavíkurborg og ríkið sem kaupi ákveðna þjónustu af samtökunum. Af þeim sökum sé ,,erfitt að standa í stjórnsýslukærum gagnvart þessum aðilum."

Undirskriftasöfnun hafin gegn áfangaheimili

Hafin er undirskriftasöfnun í Norðlingaholti gegn fyrirhuguðu áfangaheimili sem stefnt er að hefji starfsemi í haust. ,,Ég er skelfingu lostin yfir þessari ákvörðun," segir Díana Fjölnisdóttir.

,,Hún er ekki aðstoðarkona mín"

Jórunn Frímannsdóttir segir skrif Þorleifs Gunnlaugssonar um samvinnu hennar og sviðsstjóra velferðarsviðs vera sérstök. ,,Ég þekkti Stellu ekki persónulega áður en hún var ráðin. Hún er ekki aðstoðarkona mín," segir Jórunn.

Mest lesið


Fleiri fréttir

Sjá meira


×

Mest lesið