Framkvæmdarstjóri KSÍ segir sífellt unnið að bótum

Þórir Hákonarson, framkvæmdarstjóri KSÍ, vildi lítið tjá sig um ummæli Grétars Rafns Steinssonar enn sem komið væri.

Grétar sagði eftir leik Íslands og Skotlands í gær að það mætti bæta umgjörðina í kringum landsliðið og beindi orðum sínum að KSÍ.

„Það er ákveðinn hlutur sem þarf að laga. Ég hef verið að pirra mig á því og vill að það verði lagað," sagði Grétar í samtali við Vísi í morgun.

„Það hefur sífellt verið að vinna í því að gera umgjörðina betri og betri á undanförnum misserum hjá öllum landsliðum," sagði Þórir. „Við erum ekki hræddir að ræða þetta mál á opinskáan hátt okkar á milli."