Biðlar til stuðningsmanna um að hætta að syngja níðvísur

Þjálfari skoska liðsins Glagow Rangers, Ally McCoist, biðlaði í dag til stuðningsmanna liðsins um að hætta að syngja níðvísur um kaþólikka.

Stuðningsmenn Rangers eru að langstærstum hluta mótmælendatrúar og hafa löngum eldað grátt silfur við stuðningsmenn liðsins Glasgow Celtic sem eru að stærstum hluta kaþólikkar.

Dómari leiks Rangers og Inverness sem fram fór síðustu helgi mun hafa látið framkomu stuðningsmanna Rangers getið í leikskýrslu sinni og er Skoska knattspyrnusambandið hársbreidd frá því að grípa til aðgerða í málinu.

McCoist segir að Rangers eigi á hættu að verða dæmt til hárra sekta af skoska knattspyrnusambandinu verði ekki tekið á málinu og að stuðningsmönnum liðsins verði meinaður aðgangur að útileikjum.