Zlatan aftur með sænska landsliðinu

Sættir hafa tekist með sænska sóknarmanninnum Zlatan Ibrahimovic og Lars Lagerbäck, landsliðsþjálfara Svía, sem þýðir að Zlatan mun aftur leika með sænska landsliðinu.

Eftir því sem fram kemur á vef sænska ríkisútvarpsins átti Zlatan langan fund með Lagerbäck í gær þar sem þeir settu niður deilur sínar og verður leikmaðurinn því væntanlega í landsliðshóp Svía sem mætir Norður-Írum í undankeppni EM í lok mars.

Ekki er langt síðan Zlatan sagðist ekki ætla að leika aftur með liðinu en hann var settur út úr landsliðshópnum í haust vegna agabrota fyrir leik gegn Lichtenstein í undankeppni EM.