Sérkennurum fjölgar

Kennurum hefur fjölgað um 120 frá síðasta skólavetri eða um tvö og hálft prósent og eru nú tæplega fimm þúsund. Fjölgunina má aðallega rekja til sérkennara, en almennum grunnskólakennurum fækkar milli ára. Almennt fjölgar því kennurum þótt nemendum fækki en þeim hefur fækkað um 461 á tímabilinu.

Samkvæmt gagnasöfnun Hagstofu Íslands, sem safnar árlega upplýsingum um starfsfólk í grunnskólum á Íslandi kemur fram að sérkennurum hafi fjölgað úr 275 í 476. Stöðugildum kennara hefur fjölgað um 96 á tímabilinu. Heildarfjöldi starfsmanna í grunnskólum hérlendis var rúmlega sjö þúsund og fimm hundruð síðastliðið haust.