Hrafnseyrarheiði lokuð vegna snjóflóðs

Hrafnseyrarheiði er lokuð vegna snjóflóðs sem féll á heiðina. Á Vestfjörðum er víða hálka en fært um Dynjandisheiði.

Greiðfært er um allt Suður- og Vesturland, þó er hálka sumstaðar á Snæfellsnesi. Á Norður-og Austurlandi er hálka á heiðum, og varað er við flughálku á Mývatnsheiði og á Mývatns-og Möðrudalsöræfum.

Vegna bilunar og viðgerða á brúnni yfir Jökulsá á Fjöllum, við Grímsstaði, er hámarkshraði þar lækkaður niður í 30 km og eru ökumenn beðnir að gæta mikillar varúðar þegar ekið er yfir. Sérstaklega er áríðandi að stjórnendur þungra ökutækja sýni fyllstu aðgát.