Kröfur beinast fyrst og fremst að atvinnulífinu

Ný stefnumörkun ríkisstjórnar Íslands í loftslagsmálum getur að mati Samtaka atvinnulífsins haft mikil áhrif á efnahag landsins. Samtökin segja kröfur ríkisstjórnarinnar beinast fyrst og fremst að atvinnulífinu. Lítið sé hugað að því hvað aðrir aðilar, eins og sveitarfélög, ríki og almenningur, geti gert til að draga úr útstreymi gróðurhúsalofttegunda.

Ljóst sé að með stefnumörkuninni sé íslensku atvinnulífi sniðinn þrengri stakkur en til að mynda í löndum Evrópusambandsins.