Teitur tekur við Vancouver Whitecaps

Teitur Þórðarson hefur tekið við þjálfun kanadíska knattspyrnuliðsins Vancouver Whitecaps sem leikur í United Soccer League-deildinni.

Teitur tekur við starfinu af Bob Lilley sem var rekinn þann átjánda september síðastliðinn er liðinu mistókst að komast upp úr fyrstu umferð úrslitakeppninnar í deildinni.

Á síðasta tímabili vann liðið níu leiki og gerði sjö jafntefli en tapaði tólf leikjum.

Liðið varð meistari í deildinni í fyrra en USL-deildin er sú næstbesta í Bandaríkjunum og Kanada, á eftir MSL-deildinni.

Tvö kanadísk lið leika í USL-deildinni, Vancouver og Mopntreal Impact. Níu lið eru frá Bandaríkjunum og eitt frá Púertó Ríkó.

Teitur þjálfaði síðast KR hér á landi en var rekinn frá félaginu um mitt tímabil í sumar.

Smelltu hér til að sjá frétt um ráðningu Teits á heimasíðu félagsins.