Hollenskur framherji til skoðunar hjá Fylki

Landsbankadeildarlið Fylkis hefur fengið hollenska framherjann Dion Esajas til skoðunar og mun hann taka þátt í æfingaleik Fylkis og HK á laugardaginn kemur.

Esajas er 27 ára gamall og hefur á sínum ferli leiki ðmeð Haarlem, Volendam og Zwolle í heimalandi sínu og nú síðast með Paderborn í Þýskalandi. Hann á einnig leiki að baki með U-17 og U-18 landsliðum Hollands.

Fylkismenn hafa þegar misst tvo framherja frá síðasta tímabili, þá Christian Christiansen og Albert Brynjar Ingason. Þeir hafa þó fengið Allan Dyring til liðs við sig frá FH.