15 ára stúlka miðpunkturinn í kynlífshneyksli

Sex leikmenn knattspyrnuliðsins FC Thun í Sviss og alls 14 manns hafa verið ákærðir í tengslum við stórt kynlífshneyksli. Mennirnir eru sakaðir um að hafa átt kynferðislegt samneyti við 15 ára gamla stúlku sem er stuðningsmaður liðsins.

Mennirnir gætu átt yfir höfði sér þunga refsingu því stúlkan, sem nú er orðin 16 ára, var undir lögaldri þegar þetta átti sér stað. Ákærurnar sem gefnar hafa verið út koma eftir að alls 21 maður var handtekinn í tengslum við þetta ljóta mál. Ekki mun vera farið með málið sem nauðgunarmál, en mikið fjölmiðlafár ríkir í Sviss í tengslum við málið.