AZ tapaði fyrir Heerenveen

Grétar Rafn Steinsson lék fyrri hálfleikinn í leik AZ og Heerenveen sem síðarnefnda liðið vann, 1-0. Það var Afonso Alves sem skoraði sigurmark leiksins.

AZ hefur ekki gengið vel það sem af er tímabilnu og er í 12. sæti hollensku úrvalsdeildarinnar með átta stig eftir átta leiki.

Feyenoord er á topnum með 21 stig að loknum átta umferðum. PSV kemur næst með tuttugu stig og Ajax er með átján. Þessi þrjú lið eru í nokkrum sérflokki í deildinni.

De Telegraaf sagði svo frá því í gær að Grétar væri með í höndunum nýtt samningstilboð frá AZ sem gilti til 2012. Núverandi samningur hans gildir til 2011 en nýr samningur hefði bætt kjör í för með sér.

Blaðið segir að skrifað verði væntanlega undir samninginn um helgina.

Grétar sagði frá samningstilboðinu í viðtali við Fréttablaðið sem birtist 15. júní síðastliðinn.