Ólafur Þórðarson tekur við Leikni

Samkvæmt heimildum Vísis mun Ólafur Þórðarson taka við 1. deildarliði Leiknis annað hvort í kvöld eða á morgun.

Jesper Tollefsen tók við Leikni um mitt tímabil en hefur ráðið sig sem þjálfara Víkings sem féll úr úrvalsdeildinni í haust. Ólafur stýrði Fram í sumar og hafnaði liðið í sjöunda sæti. Stjórn Fram ákvað að rifta samningi Ólafs.

Ólafur hóf sinn þjálfaraferil hjá Fylki og tók svo við ÍA haustið 1999. Hann Skagamönnum þar til hann hætti með liðið um mitt tímabil árið 2006. Um haustið tók hann við Fram og stýrði þeim í eitt tímabil.