Vísir verður á vellinum í dag

Það verður mikið um að vera í undankeppni EM í knattspyrnu í dag þegar 21 leikur er á dagskrá. Vísir verður með beina lýsingu frá Laugardalsvelli klukkan 16 þar sem Ísland tekur á móti Lettlandi og þá verður fylgst með gangi mála í öðrum leikjum fram á kvöld.

Alls eru þrír leikir á dagskrá í F-riðli okkar Íslendinga, en auk leik Íslands og Lettlands tekur Liechtenstein á móti Svíum og þá er stórleikur í Árósum þar sem Danir taka á móti Spánverjum í kvöld. 

Sjónvarpsstöðin Sýn verður með tvær beinar útsendingar í dag. England-Eistland klukkan 13:50 og svo leik Dana og Spánverja klukkan 18:00.