Byrjunarlið Spánverja annað kvöld

Spænska landsliðið mætir Íslendingum á Laugardalsvellinum klukkan 20 annað kvöld og þar er valinn maður í hverju rúmi þó liðið sé án manna eins og Cesc Fabregas í leiknum. Hér fyrir neðan má sjá byrjunarlið Spánverja eins og það lítur út í dag.

Markvörður: Iker Casillas - Real Madrid - 69 landsleikir

Varnarmenn: Sergio Ramos, Real Madrid - 24 landsleikir. Juanito, Real Betis - 20 landsleikir. Marchena, Sevilla - 33 landsleikir og Pernia, Atletico Madrid - 7 landsleikir.

Miðjumenn: Joaquin, Valencia - 45 landsleikir. Xavi, Barcelona - 48 landsleikir. Xabi Alonso, Liverpool - 38 landsleikir og Silva, Las Palmas - 6 landsleikir.

Framherjar: David Villa, Valencia - 24 landsleikir og Fernando Torres, Liverpool - 43 landsleikir.

Spænsku leikmennirnir ætla sér allir að bera merki félaga síns Antonio Puerta í leiknum annað kvöld, en þessi fyrrum leikmaður Sevilla lést með sviplegum hætti á dögunum eftir að hann fékk hjartaáfall í leik í deildinni. Puerta átti að baki einn landsleik fyrir Spánverja.