Nwosu ekki meira með Fram í sumar

Knattspyrnumaðurinn Henry Nwosu sem gekk til liðs við Fram í Landsbankadeildinni um síðustu mánaðarmót, leikur ekki meira með liðinu í sumar. Nwosu meiddist illa í leik Fram og ÍA á fimmtudagskvöld og hefur komið í ljós að leikmaðurinn er með slitið krossband.

Nwosu sem að var að spila sinn fyrsta leik á Íslandsmótinu var aðeins búinn að vera inná í um 8 mínútur þegar að hann meiddist og þurfti að yfirgefa völlinn. Nwosu er nígerískur að uppruna en með búsetu í Þýskalandi þar sem hann hefur meðal annars leikið með Eintracht Frankfurt og Mannheim.