Tevez spenntur fyrir Arsenal

Carlos Tevez viðurkennir að hann sé spenntur yfir áhuga Arsenal á sér. Leikmaðurinn hefur verið sterklega orðaður við Arsenal eftir að Thierry Henry var keyptur til Barcelona í gær.

Tevez, sem er leikmaður West Ham, íhugar framtíð sína í sumar en hann hefur gefið það í skyn að hann vilji flytjast til stærra liðs. „Ég veit af áhuga Arsenal og er spenntur fyrir því. Ég þekki líka boltann á Englandi og mér líkar hann. Arsenal er teknískt lið og það hentar mér vel," sagði Tevez við Sun.

Leikmaðurinn hefur einnig verið sterklega orðaður við Inter Milan og Real Madrid.