McClaren mætti ekki á blaðamannafund

Steve McClaren landsliðsþjálfari Englendinga á yfir höfði sér refsingu frá Knattspyrnusabandi Evrópu eftir að hann mætti ekki á blaðamannafund sem haldinn var í dag fyrir leik Andorra og Englands í undankeppni EM. McClaren hefur verið milli tanna ensku pressunnar undanfarið vegna lélegs gengis enska liðsins.

Enska knattspyrnusambandið fann sig þannig knúið til að gefa út yfirlýsingu í dag þar sem því var vísað á bug að McClaren yrði kallaður á sérstakan krísufund eftir leikinn við Andorra, en bresku blöðin höfðu haldið því fram í gær og í morgun.