McLaren: Þetta er algjört kjaftæði

Steve McClaren, þjálfari enska landsliðsins í knattspyrnu, segir ekki rétt að hann og framherjanum Wayne Rooney hafi rifist heiftarlega inn í búningsklefa eftir leikinn gegn Ísraelum á laugardag, eins og enskir fjölmiðlar sögðu frá í morgun. McLaren lýsir fréttunum sem “algjöru kjaftæði”.

“Þetta er fáránlegt. Við trúðum ekki okkar eigin eyrum þegar við heyrðum af þessu í morgun,” sagði McLaren nú í hádeginu, en þar á hann við leikmenn, þjálfara og aðra aðstandendur enska liðsins. “Þetta er algjört kjaftæði. Allir eru samstíga í þessu verkefni og vita hvers er ætlast af þeim.”

Enskir fjölmiðlar sögðu í morgun frá því að McLaren hefði sagt við Rooney að hann hefði ekki spilað vel fyrir landsliðið í þrjú ár. Rooney hefðu brugðist hinn argasti við, öskrað á þjálfara sinn og að lokum grýtt takkaskóm sínum í vegginn á búningsklefanum. Því næst hafi hann strunsað út.