Sanchez segir Healy vera í heimsklassa

Lawrie Sanchez, þjálfari Norður-Íra í knattspyrnu, segir markamaskínuna David Healy vera heimsklassa sóknarmann. Healy skoraði þrennu í 4-1 sigri Norður-Íra á Liechtenstein í gær og hefur alls skorað sex mörk í undankeppninni. Alls hefur Healy skorað 27 mörk í 55 landsleikjum á ferlinum.

"Hann er með ótrúlegt markaskor með landsliðinu. Ég tel að hann sé í heimsklassa," sagði Sanchez og sparaði ekki stóru orðin. "Leikmenn liðsins gera sér grein fyrir því að þeir eru markamaskínu í framlínunni. Við reynum að skapa færin fyrir hann og vitum að hann mun nýta þau í flestum tilvikum," segir Sanches.

"Það besta við David er hversu jarðbundinn hann er. Hann lítur ekki á sjálfan sig sem stórstjörnu og það er gott að vinna með slíkum leikmönnum," bætti Sanchez við, en Healy spilar með Leeds í ensku Championship-deildinni.