Aragones velur hópinn sem mætir Íslendingum

Luis Aragones, landsliðsþjálfari Spánverja, hefur ákveðið að halda tryggð við megnið af leikmönnunum sem lögðu Englendinga 1-0 í æfingaleik í síðasta mánuði. Hann hefur nú tilkynnt hóp sinn fyrir leikina gegn Íslendingum og Dönum í undankeppni EM.

Einu breytingarnar sem gerðar voru á hópnum voru þær að miðverðirnir Carlos Marchena og Juanito koma inn í hópinn fyrir þá Carles Puyol og Sergio Ramos, en þeir síðarnefndu taka út leikbann í leiknum gegn Dönum og verða klárir gegn Íslendingum.

Spánverjar mæta væntanlega mjög grimmir til leiks eftir skelfilega byrjun í F-riðli, þar sem liðið tapaði tveimur af fyrstu þremur leikjum sínum. Spánverjar eru níu stigum á eftir efsta liðinu Svíum og fjórum á eftir Dönum og Norður-Írum. Spænska liðið tekur á móti Dönum laugardaginn 24. mars og svo Íslendingum á Mallorca fjórum dögum síðar.

Hópur Spánverja:

Markverðir: Iker Casillas (Real Madrid), Pepe Reina (Liverpool)

Varnarmenn: Antonio Lopez (Atletico Madrid), Carlos Marchena (Valencia), Juanito (Real Betis), Carles Puyol (Barcelona), Joan Capdevila (Deportivo Coruna), Sergio Ramos (Real Madrid), Javi Navarro (Sevilla), Angel (Celta Vigo)

Miðjumenn: Cesc Fabregas (Arsenal), Andres Iniesta (Barcelona), Xavi (Barcelona), Xabi Alonso (Liverpool), Miguel Angel Angulo (Valencia), David Silva (Valencia), David Albelda (Valencia)

Framherjar: David Villa (Valencia), Fernando Torres (Atletico Madrid), Fernando Morientes (Valencia)