Krefjast þess að heildsalar lækki verð á vörum

Neytendasamtökin krefjast þess að heildsalar lækki verð á vörum sínum vegna styrkingar krónunnar. Nógu fljótir séu þeir til að hækka verðið þegar gengi gjaldmiðla hækki. Krónan hefur styrkst um sjö prósent frá áramótum.

Neytendasamtökin eru þeirrar skoðunar að almenningur eigi kröfu á því að fá til sín ávinning af styrkingu krónunnar. Verð á innfluttum vöru eigi að lækka nú - ekki bara vegna skattabreytinga - heldur vegna þess hversu krónan hefur styrkst frá áramótum.

Sem dæmi hefur bandaríkjadalur lækkað úr rúmum 70 krónum í 66 og hálfa krónu. Þetta er lækkun um vel yfir fimm prósent og á að mati Jóhannesar Gunnarssonar, formann Neytendasamtakana, eiga neytendur að sjá þessa lækkun endurspeglast í verði á innfluttum vörum við búðarkassann.

„Við æltlumst til þess að menn séu sjálfum sér samkvæmir en birgjar vísa iðulega til veikingar krónu þegar þeir hækka vöruverð," segir Jóhannes. hann segir að fyrir tveimur árum hafi samtökin skoðað samhengi gengisþróunar og verðs á innfluttum vörum. Þá hafi verðhækkunin verið skjót að skila sér en verðlækkun vegna styrkingar skrónu skilað sér seint og illa. Segir Jóhannes að það virki ekki trúverðugt þegar breytingin sé einungis í aðra áttina. Neytendasamtökin ætla að fylgast grannt með þessum málum og á heimasíðu þeirra er til dæmis fyrirtækinu Innnes hrósað fyrir að hafa þegar lækkað verð á sínum vörum vegna gengisbreytinga frá áramótum. Innes flytur meðal annars inn Filipo Berio olíur, Hunts vörur, Orville popp og Granini safa. Þetta er til eftirbreytni að mati Neytendasamtakana sem vilja að aðrir byrgjar fylgi fordæmi þessa fyrirtækis án tafar.