207 milljónir í rekstur íþróttadeildar RÚV

Rekstur íþróttadeildar Ríkisútvarpsins kostar 207 milljónir króna á þessu ári samkvæmt svari menntmálaráðherra við fyrirspurn Björns Inga Hrafnssonar, varaþingmanns Framsóknarflokksins. Þar kemur einnig fram að samanlagður rekstarskostnaður deildarinnar árin 2004-2007 er 787 milljónir króna.

Björn Ingi spurði einnig hvað RÚV greiddi fyrir sýningarrétt frá Formúlu 1 kappasktrinum og Evrópukeppni landsliða í knattspyrnu árið 2008 en í svarinu kemur fram að RÚV geti ekki veitt þær upplýsingar vegna þess að stofnunin sé bundin trúnaði.

Í svarinu er bent á að Ríkisútvarpið hafi reynt að tryggja sér rétinn að vinsælu íþróttaefni vegna krafna sem margir þingmenn ásamt almenningi hafi sett fram um þá skyldu Ríkisútvarpsins, sem fjölmiðils í almannaþágu, að sýna slíkt efni í opinni dagskrá fyrir alla landsmenn.