Draga barnaperra á tálar og hafa af þeim fé

Svo virðist sem nýr leikur sé að ryðja sér til rúms meðal unglinga í Hafnarfirði. Leikur að eldi myndu margir kalla það, enda gengur hann út á að lokka til sín barnaperra, hafa af þeim fé og ná svo mynd af þeim.

Þetta kom fram í Bítinu á Bylgjunni í morgun en þar var rætt við tvo fimmtán ára drengi sem hafa stundað það að leggja gildru fyrir eldri menn með einhvers konar tálbeituaðferð. Það gera drengirnir á vefsíðunni einkamal.is og þvínæst á msn. Þar segjast þeir vera 14 ára gamlar stúlkur sem vilji komast í samband við eldri menn.

Því næst eru stefnumót ákveðin þar sem lofað er að skiptast á ljósmyndum við svarendur. Að sögn drengjanna virðast þeir sem svara vera mjög viljugir til að borga fyrir ljósmyndir eða stefnumót. Svo virðist sem hugmyndin hafi komið úr Kompásþætti þar sem lögð var gildra fyrir barnaperra.

Að sögn drengjanna hafa foreldrar þeirra miklar áhyggjur af leik þeirra og rétt er að ítreka varnaðarorð lögreglunnar sem áður hefur hvatt fólk til að taka ekki lögin í sínar hendur með þessu hætti