Matvörur í fóstur

Talsmaður neytenda leggur til að hver og einn einasti neytandi taki eina vöru eða þjónustu í fóstur. Þannig geti þeir fylgst með af alvöru hvort birgjar og kaupmenn standi sig í að lækka vöru og þjónustu eftir fyrsta mars næstkomandi. Hann segir þetta þó ekki losa stjórnvöld frá eftirlitsskyldu sinni.

Neytendasamtökin hafa hvatt fólk til að fylgjast vel með hækkunum á matvöru og þjónustu í kjölfar boðaðra aðgerða stjórnvalda til lækkunar matvælaverðs sem taka gildi 1. mars næstkomandi. Neytendasamtökin hafa birt lista yfir þá birgja sem hafa hækkað sínar vörur frá áramótunum og sá listi lengist stöðugt. Talsmaður neytenda hefur nú komið fram með hugmyndir til að virkja verðvitund almennings og það er að taka eina vöru eða þjónustu í fóstur. Neytendur láti svo viðeigandi stofnanir og samtök sem beiti sér fyrir réttindum neytenda.