Skemmdarfíkn þriggja drengja fékk útrás á þrjátíu bílum í nótt

Þrír drengir á aldrinum fimmtán til sautján ára eru grunaðir um stórfelld skemmdarverk á þrjátíu bílum og vinnuskúr í Hafnarfirði í nótt.

Það var snemma í morgun sem lögreglu höfuðborgarsvæðisins bárust fyrstu tilkynningar um meiriháttar skemmdarverk á bílum og vinnuskúr í Hafnarfirði. Skemmdir bíla voru á svæði hestamannafélagsins Sörla og á iðnaðarsvæði við Íshellu og víðar í Hafnarfirði og er um tugmilljónatjón að ræða.

Þrír ungir drengir eru í haldi lögreglunnar grunaðir um skemmdirnar en þeir eru á aldrinum 15 til 17 ára og sást til þeirra á stolnum bíl. Þeir hafa allir komið við sögu lögreglu áður. Ekki er vitað hvað drengjunum gekk til en hvorki var um innbrot né stuld að ræða heldur um hreina og klára skemmdarfíkna að ræða. Lögreglan man ekki eftir viðlíka skemmdarverkum á einni og sömu nóttu.