HR í Öskjuhlíð

Þrjátíu þúsund fermetra bygging Háskólans í Reykjavík verður risin við rætur Öskjuhlíðar árið 2010. Samningar milli Háskólans, Reykjavíkurborgar og Orkuveitu Reykjavíkur voru undirritaðir nú fyrir hádegi.

rír samningar voru undirritaðir á fundinum í Höfða nú fyrir hádegið. Í fyrsta lagi samstarfsyfirlýsing Háskólans í Reykjavík og Orkuveitu Reykjavíkur um starfsemi orkurannsóknarsetur. Í öðru lagi samstarfsyfirlýsing milli Háskólans og borgarinnar en þeir hyggjast meðal skiptast á sérfræðingum, þannig að lykilstjórnendur borgarinnar komi inn í kennslu og haldi fyrirlestra og fræðimenn HR sinni ýmsum verkefnum og rannsóknum fyrir borgina.

Verið er að hanna háskólabyggingarnar og áætlað er að hefjast handa síðar á þessu ári. Fyrsti áfangi á að verða tilbúinn eftir rúm tvö ár en allir 30 þúsund fermetrarnir ættu að verða tilbúnir árið 2010. Alls hefur háskólinn nú fengið um 20 hektara til umráða. Tveir komma fjórir fara undir stúdentagarða en þungamiðjan verður yfirbyggt háskólatorg.