Davíð telur ekki víst að Kaupþing skipti yfir í evru

Davíð Oddsson seðlabankastjóri segir ekki endilega líklegt að Kaupþing skipti yfir í evru enda geti það haft ýmsar neikvæðar afleiðingar í för með sér fyrir bankann, ekki bara jákvæðar. Fari hins vegar svo óttast Davíð ekki afleiðingarnar, það myndi hugsanlega um skamma hríð skapa tímabundinn trúverðugleikavanda gagnvart krónunni. Margir telja sig sjá sterkar vísbendingar um að Kaupþing ætli sér að fara sömu leið og Straumur-Burðarás, að yfirgefa krónuna og taka upp evrubókhald. Davíð kveðst þó ekki óttast afleiðingarnar, taki Kaupþing þessa ákvörðun. Hann sagði í gær að það væri mat Seðlabankans að það sé afar hæpið að farið hafi verið að lögum þegar Straumur-Burðarás fékk heimild til að skrá bókhald sitt í evrum.

Hvort sömu atriði hindri að Kaupþing fari sömu leið kvaðst Davíð ekki hafa farið yfir það.