Valgerður vill sömu ríkisstjórn áfram

Valgerður var mjög ákveðin þegar hún mælti með því í hádegisviðtalinu á Stöð 2 að sömu flokkar héldu áfram fengju þeir til þess traustan meirihluta í þingkosningum í maí. Hún segir að þessir flokkar hafi náð gríðarmiklum árangri. Þeir hafi haldið vel saman í stórum málum. Hún vildi ekki svara því hvað flokkarnir þyrftu mikinn meirihluta til að fara aftur saman í stjórn en kvaðst trúa því að Framsóknarflokkurinn næði góðum árangri. "Ég finn að landið er að lyftast," sagði Valgerður.