Útilokar ekkert í rannsókn á dauða Íslendings

Rannsókn á dauða Íslendings sem fórst í bruna á veitingastaðnum Engelen í Gamla stan hverfinu í Stokkhólmi í fyrrinótt stendur enn yfir að sögn lögreglunnar í Stokkhólmi og útilokar hún ekkert í þeim efnum. Eins og greint var frá fyrr í dag fannst maðurinn í ruslageymslu inn af veitingastaðnum. Lögregla segir geymsluna hafa verið læsta og að enginn annar hafi verið þar inni þegar slökkvilið og lögregla kom á vettvang. Dánarorsök mannsins, sem er á fertugsaldri, liggur ekki fyrir fyrr en í næstu viku en ekki verður greint frá nafni hans að svo stöddu.