Pútín tilnefnir ekki eftirmann

Vladímír Pútín Rússlandsforseti ætlar ekki að tilnefna eftirmann sinn, en hann ætlar sér að hætta fyrir kosningar 2008. „Það verður enginn arftaki. Markmið stjórnvalda er að halda lýðræðislegar kosningar", sagði Pútín í morgun á árlegum fréttamannafundi.

Pútín varð einnig tíðrætt um ásakanir á hendur stjórnvöldum í Kreml um að þar nýttu menn sér efnahagslífið í landinu í pólitískum tilgangi. Hann vísaði ásökununum á bug og fullyrti að það sem stjórnvöld aðhefðust t.a.m. í orkumálum væri fyrst og fremst til þess ætlað að verða við kröfum viðskiptavina.