Innlent

Ekkert opinbert tungumál á Íslandi

Ekkert opinbert tungumál er til á Íslandi og menn mættu þessvegna tala sanskrít á Alþingi. Athygli var vakin á þessu í fyrirspurnartíma í þinginu í dag og hvöttu bæði þingmenn og ráðherra til þess að ákvæði yrði sett í stjórnarskrá um að íslenska væri ríkistungumál Íslands.

Mörður Árnason vakti athygli á þessu þegar hann innti menntamálaráðherra eftir því hvað ríkisstjórnin hefði aðhafst til að styrkja réttarstöðu íslenskrar tungu eftir að Alþingi vísaði til hennar þingsályktunartillögu um það efni fyrir þremur árum. Í svari ráðherra kom fram að ríkisstjórnin hafði ekkert gert í málinu.

Bæði Mörður og Össur Skarphéðinsson hvöttu til þess að íslenskan fengi skýra réttarstöðu sem opinbert tungumál Íslendinga. Össur spurði menntamálaráðherra hvort hann styddi að ákvæði þessa efnis yrði sett inn í Stjórnarskrána og tók ráðherra undir það, sagði brýnt að stjórnarskrárnefnd tæki þetta upp.

Mest lesið


Fleiri fréttir

Sjá meira


×

Mest lesið