Biðja drottninguna afsökunar

BBC hefur beðið Elísabetu Englandsdrottningu afsökunar á því að hafa gefið ranglega í skyn að hún hafi strunsað út úr myndatöku hjá Annie Leibovitz, einum frægasta ljósmyndara Bandaríkjanna.

Drottningin var hundfúl þegar Leibovitz bað hana um að taka af sér kórónuna sem hún bar á höfðinu. Eftir myndatökuna lýsti hún vanþóknun sinni í samtali við aðstoðarkonu sína. BBC birti myndskeið af samtali þeirra og síðan myndir af Elísabetu þar sem hún var sögð vera að yfirgefa myndatökuna löngu áður en henni lauk. Hið rétta var hins vegar að á myndunum var hún að koma til myndatökunnar í Buckingham höll en ekki að yfirgefa hana.

Leibovits er fræg fyrir að ætlast til ýmislegs óvenjulegs af myndefnum sínum. Hún lét eitt sinnis dýfa Kate Winslet margsinnis ofan í vatnstank og tók myndir af Clint Eastwood eftir að búið var að binda hann allan með köðlum.