Breytingar á mælingu neysluverðsvísitölu

Geir H. Haarde forsætisráðherra mælti í dag fyrir frumvarpi um breytingar á lögum vísitölu neysluverðs. Með frumvarpinu er lagt til að vístalan verði reiknuð í hverjum mánuði miðað við verðlag í um það bil vikutíma um miðjan hvern mánuð en miðað við núverandi lög er vísitalan reiknuð út frá verðlagi fyrstu tveggja virkra daga í mánuði.

Breytingarnar eru gerðar vegna reglugerðar frá Evrópusambandinu sem kveður á um tími verðsöfnunar fyrir samræmda vísitölu neysluverðs verði samræmdur. Samkvæmt reglugerðinni er jafnframt gert ráð fyrir að miða skuli við verðlag yfir lengra tímabil þegar um er að ræða vörur sem breytast mjög ört í verði, eins og eldsneyti, grænmeti og ávexti.