Ritstjóri fjölmiðlis beri ábyrgð á ómerktum áfengisauglýsingum

Talsmaður neytenda telur skýrt að ritstjóri fjölmiðils beri ábyrgð á brotum gegn banni við áfengisauglýsingum ef auglýsandinn er ekki nafngreindur í auglýsingunni.

Talsmaðurinn gerir þetta að umtalsefni sínu á heimasíðu stofnunarinnar og vísar til þess að frá árinu 1963 hafi sú túlkun legið fyrir frá Hæstarétti að ef fyrirtæki, sem auglýsir áfengi, sé nafngreint þá beri framkvæmdarstjóri þess ábyrgð. Hins vegar hafi auglýsandi ekki verið nafngreindur í auglýsingu sem kom til kasta Hæstaréttar í þessum mánuði og þá hafi framkvæmdastjóri innflytjanda bjórsins sem um ræddi verið sýknaður.

Talsmaður neytenda segir að þarna hefði verið öruggara og réttara að ákæra ritstjóra dagblaðsins sem birti blaðið og það beri að gera að mati hans ef vafi leiki á því hvort auglýsandi sé nægilega nafngreindur