Ashley Young til Aston Villa

Aston Villa gengu í dag frá kaupunum á U-21 landsliðsmanninum Ashley Young frá Watford á 9.65 milljónir punda sem er metupphæð hjá félaginu.

Young, sem er 21 árs gamall hefur verið hjá Watford allan sinn feril og lék lykilhlutverk í liðinu á síðasta tímabili þegar þeir tryggðu sér þátttökurétt í úrvalsdeildinni. Eins er hann markahæstur hjá liðinu á þessu tímabili, þó hann hafi aðeins skorað þrjú mörk í deildinni, en Watford sitja kirfilega á botni ensku úrvalsdeildarinnar.

Young, sem er kantmaður, er þriðji leikmaðurinn sem Martin O'Neill fær til Aston Villa á þessu tímabili en áður höfðu Norðmaðurinn John Carew sem áður lék með Lyon og Phil Bardsley frá Manchester United skrifað undir hjá Birminghamliðinu.