Engin sátt um ferjuhöfn á Bakkafjöru

Gerð ferjuhafnar á Bakkafjöru á að hefjast á næsta ári, samkvæmt stefnumörkun samgönguáætlunar sem nú er til meðferðar á Alþingi, en gert er ráð fyrir að ríkið verji fimm milljörðum króna í höfn og nýja Vestmannaeyjaferju. Þetta þýðir að jarðgöngum er hafnað. Árni segir að það verði að vera sátt um málið og hún náist aldrei nema rannsókn ljúki á göngunum þannig að menn hafi um tvo kosti að velja.

Árni telur raunar að jarðgöng séu ódýrust þegar dæmið er reiknað til enda. Ekki megi bara taka stofnkostnaðinn heldur verði að taka með í dæmið hvað rekstur á skipi og höfn kosti.