Engin örvænting í Ferguson

Sir Alex Ferguson hefur beðið blaðamenn að halda ekki niðri í sér andanum í janúarglugganum ef þeir telji Manchester United ætla að versla mikið. Hann segir enga örvæntingu í herbúðum félagsins.

"Við erum að vinna í einu eða tveimur málum, en það er ekkert sem fer í fyrirsagnir. Það er alls ekki eins gefið að finna leikmenn í janúar og menn halda og við ætlum ekkert að örvænta. Við höfum misjafna reynslu af því að kaupa menn á miðju tímabili og ég vil persónulega frekar hafa undirbúningstímabilið til að koma mönnum inn í málin hérna," sagði Ferguson og vildi ekki segja neitt um mál Owen Hargreaves, sem stanslaust er orðaður við United.