Ausandi rigning á Mæjorka

Íslendingar mæta Spánverjum í undankeppni Evrópumótsins í knattspyrnu í kvöld. Landsliðið hefur nú endurheimt farangur sinn en eins og greint var frá í gær fóru 19 töskur til Kanaríeyja í stað Mæjorka.

Rignt hefur hressilega á sólareyjunni í dag og ljóst að völlurinn verður vel blautur í kvöld, nokkuð sem íslenskir knattspyrnumenn þekkja vel.

Leikurinn hefst kl. 20.00 að íslenskum tíma eða klukkan tíu í kvöld að staðartíma. Leikurinn verður í beinni útsendingu á Sýn og hefst upphitum kl. 19.30. Eyjólfur Sverrisson landsliðsþjálfari ætlar að bíða með það eins lengi og unnt er að tilkynna byrjunarliðið samkvæmt heimildum íþróttadeildar Stöðvar 2.