Kristján með sigurmark

Akureyringurinn Kristján Örn Sigurðsson tryggði Brann mikilvægan sigur á Sandefjord í gær. Kristján skoraði eina mark leiksins og Brann heldur því efsta sætinu í deildinni.

Ólafur Örn Bjarnason var einnig í byrjunarliði Brann en Ármann Smári Björnsson sat á bekknum allan leikinn.

Gunnar Heiðar Þorvaldsson fékk tækifæri með Vålerenga í gær en náði ekki að skora í 3-2 sigri liðsins gegn Start. Gunnar Heiðar fór af leikvelli á 66. mínútu en Jóhannes Harðarson kom ekki við sögu hjá Start í leiknum.