Stjórnarskránefnd þarf lengri tíma en vill breyta 79. greininni

Stjórnarskrárnefnd undir formennsku Jóns Kristjánssonar hefur sent frá sér áfangaskýrslu með yfirlit yfir starf nefndarinnar undanfarin tvö ár. Nefndin segist þurfa lengri tíma til að ljúka heildarendurskoðun á stjórnarskránni eins og að var stefnt. Nefndin leggur þó til að byrjað verði á því að breyta 79. grein stjórnarskrárinnar sem snýr að breytingum á henni og leggur fram frumvarp þar að lútandi.

Samkvæmt núgildandi stjórnarskrár verður henni breytt með samþykki einfalds meirihluta á tveimur þingum enda fari fram kosningar á milli og eru því stjórnarskrárbreytingar einungis bornar undir þjóðina með óbeinum hætti eins og segir í áfangskýrslunni.

Nefndin leggur hins vegar til að þjóðaratkvæðagreiðsla eigi sér alltaf

stað um stjórnarskrárbreytingar og að gert verði kleift að kjósa um þær óháð reglulegum alþingiskosningum.

Í tilkynningu frá forsætisráðuneytinu segir að verði þessi breyting samþykkt sé um leið lagður grunnur að því að endurskoðaða stjórnarskrá megi bera undir þjóðaratkvæði. Endurskoðuð stjórnarkrá myndi því öðlast ótvíræðari lýðræðislega staðfestingu heldur en raunin yrði ef hún væri afgreidd með núgildandi hætti.

Áfangaskýrsluna má sjá í heild sinni hér.