Öryggisráð Sameinuðu þjóðanna hefur veitt Íran 30 daga frest

Öryggisráð Sameinuðu þjóðanna hefur veitt Íran 30 daga frest til að sannfæra ráðið um að landið ætli ekki að hefja framleiðslu á kjarnavopnum. Öryggisráðið krafðist þess í fyrsta skipti í gær að Íranar falli frá þeim hluta kjarnorkuáætlunar sinnar sem geri þeim kleift að smíða kjarnorkuvopn. Íranar ítrekuðu enn og aftur að þeir hefðu aðeins áhuga á að auðga úran í friðsamlegum tilgangi en auðgað úran má einnig nota til gerðar kjarnavopna. Vesturveldin eru fullviss um að Íranar ætli að smíða kjarnavopn því þeir hafa að undanförnu margfaldað framleiðslu sína á eldflaugum sem borið geta kjarnaodda.