Næstfæst mörk frá upphafi

Undanúrslit á heimsmeistaramótinu í Þýskalandi hefjast í kvöld með leik Þjóðverja og Ítala í Dortmund. Það hafa aðeins 138 mörk verið skoruð í 60 leikjum til þessa á HM í Þýskalandi eða 2,30 að meðaltali í leik.

Aðeins einu sinni áður hafa færri mörk skoruð á HM en það var árið 1990 á Ítalíu þar sem meðaltalið var 2,21 mark í leik. Hæsta meðaltalið, sem um getur á HM, var árið 1954 í Sviss, en þar voru skoruð 5,38 mörk að meðaltali í leik.

Gula spjaldinu hefur verið beitt 331 sinni í leikjunum 60 í Þýskalandi eða rösklega 5,5 sinnum að meðaltali og 27 sinnum hefur leikmanni verið vikið af velli. Hvort tveggja er met.