Rooney segist ekki hafa stigið á Carvalho viljandi

Wayne Rooney gaf út yfirlýsingu í gær þar sem hann þvertók fyrir það að hann hefði stigið viljandi á portúgalska leikmanninn Ricardo Carvalho í 8-liða úrslitum á HM.

Rooney hrósaði einnig félögum sínum sem léku frábærlega 10 gegn 11 Portúgölum í leiknum eftir að honum var vísað af velli. Rooney sagði að hann hefði orðið fyrir vonbrigðum með félaga sinn hjá Man.Utd. Cristiano Ronaldo sem setti pressu á dómarann að gefa honum rautt fyrir þetta brot.

Rooney sagðist samt ekki ætla að erfa þetta og væri búinn að fyrirgefa honum. Rooney sagði einnig í þessari yfirlýsingu sinni að hann vildi koma þökkum til Sven-Gora Eriksson sem hefði staðið með honum líkt og allt enska landsliðið bæði í meiðslunum sem virtust ætla að koma í veg fyrir að Rooney næði að leika á heimsmeistaramótinu. Rooney vildi einnig þakka vini sínum David Beckham sem væri búinn að vera frábær fyrirliði og félagi.