Klinsmann og co

Hvílík sýning! Þjóðverjar áttu 26 skot á mark Svía í leiknum í 16 liða úrslitum, segir þetta ekki alla söguna um hverskonar lið þetta er? Þetta var stórkostlegur leikur framan af, 2-0 eftir tólf mínútur, og ef Isaksson hefði ekki varið einsog skepna, þá er trúlegt að leikurinn hefði verið 14-2 niðurlæging Svía. Það var alger synd að Carlos dómari skildi svo eyðileggja leikinn með tveimur gulum spjöldum, ekki bara að það væri ein stór Hellisheiði eystri fyrir Svíana, vonlaust mál að komast upp þessa brekku, heldur byrjaði dómarinn að rétta hlut Svíanna í seinni hálfleik. Vítið sem hann dæmdi á Þjóðverjana var bara bull, en allt um það: Þetta var leikur hinna hugdjörfu Þjóðverja, á móti daufum eða alveg steindauðum Svíum. Þjóðhetjan Zlatan var slakur og furðulegt að Lars Lagerback skildi ekki treysta áfram Marcus Allaback, sem hefur bara gert góða hluti þegar honum hefur verið skipt inná.

HM núna minnir okkur enn og aftur á, að stórstjörnurnar geta hreinlega skemmt fyrir í 11 manna liði, Zlatan er eitt af stóru nöfnunum sem stóð ekki undir nafni í keppninni, fleiri koma til greina, ég vona að Zidane fái að hvíla sig í Frakkland Spánn, hann á ekkert erindi í sigurlið, sem spilaði af þrótti og áhuga aldrei þessu vant. Og svo stórileikurinn í átta liða úrslitum, Argentína og Þýskaland, þetta hefði verið besti úrslitaleikurinn, en því miður, allavega gott að Grikkirnir eru ekki með.