Gilberto segir Brasilíu vera að komast í gang

Miðjumaður Arsenal og brasilíska landsliðsins, Gilberto Silva, hefur lítið fengið að spreyta sig í HM keppninni í þeim leikjum sem Brassar hafa leikið.

Hann hefur einu sinni komið inn á sem varamaður en brasilíska landsliðið hefur verið mikið gagnrýnt fyrir slakan leik í keppninni og aumingja Ronaldo hefur fengið mest að finna fyrir því í fjölmiðlum.

Gilberto vill meina að pressan sé mikil á heimsmeisturunum og það sé eðlilegt að fólk vilji sá Brasilíu leika betur en þeir hafa sýnt í fyrstu 2 leikjunum. Hann segir að þegar Brasilía vinnur leiki er það ekki nóg, aðdáendur vilji fá flottan sambabolta í hvert sinn seg þeir leiki á HM.

Gilberto sagði við BBC í Þýskalandi að leikurinn gegn Japan verði betri, menn eru að stilla saman strengi og allir leikmenn eru meðvitaðir um að aðdáendur vilji meira en bara sigur frá Brasilíu.