Michel ætlar að hætta með Fílabeinströndina

Henri Michel, þjálfari Fílabeinsstrandarinnar býðst við því að leikurinn gegn Serbum verði hans síðasti leikur með liðið.

Michel sem er frakki náði að koma liðinu á HM í fyrsta sinn í sögu þess en árangur þess á HM hefur ekki verið eins og menn vonuðust eftir.

"Knattspyrnusambandið hefur ekkert rætt við mig um nýjan samning og ég á ekki von á öðru en að hætta með það eftir leikinn gegn Serbum. Ég sé mikla framtíð í þessu liði og við vorum óheppnir í þessum tveimur leikjum sem við höfum spilað. Svona er þetta bara en ég kvíði ekki framtíð Fílabeinsstrandarinnar," sagði Michel