Úkraína

Úkraínumenn eru í H riðli með Spánverjum, Túnisum og Sádí- Aröbum. Þeir voru heppnir þegar dregið var í riðla og geta virkilega vænst þess að komast upp úr þessum riðli. Úkraína er í 45. sæti styrkleikalista FIFA.

Úkraínumenn fóru auðveldlega í gegnum undankeppnina og voru fyrsta Evrópuliðið til þess að tryggja sér farseðil á HM. Áhangendur liðsins gera miklar væntingar til þess og þjálfarinn hefur sagt að þeir geti komist í undanúrslit.

Þjálfarinn er Oleg Blokhin hann lék á sínum tíma 109 leiki fyrir landslið Sovétríkjanna. Hann var valinn knattspyrnumaður Evrópu árið 1975.

Í Úkraínska hópnum eru átta leikmenn frá Dynamo Kiev, fimm frá Shakhtar Donetsk, fjórir frá Dnipro Dniproptrovsk og fjórir sem leika utan Úkraínu.

Knattspyrnumaður Evrópu árið 2004 Andriy Shevchenko er skærasta stjarna Úkraínumanna. Hann er leikmaður sem getur haldið liðinu á floti í keppninni ef hann spilar þ.e.a.s. því hann hefur átt við hnémeiðsli að stríða nú undanfarið.

Fyrirliði: Andriy Shevchenko

Lykilmaður: Andriy Shevchenko

Gæti slegið í gegn: Ruslan Rotan