Tógó

Tógóbúar eru í G riðli ásamt Svisslendingum, Suður Kóreumönnum og Frökkum. Það verður eflaust á brattann að sækja fyrir þá í riðlinum en þeir eru í 61. sæti á styrkleikalista FIFA.

Tógóbúar eru að taka þátt í sinni fyrstu heimsmeistarakeppni. Það væri stórsigur fyrir þá að komast upp úr riðlinum. Þeir vonast til þess að andstæðingar þeirra vanmeti þá í keppninni.

Þjálfari liðsins er Þjóðverjinn Otto Pfister en hann tók við af Nígeríumanninum Stephen Keshi eftir slakt gengi í Afríkukeppninni.

Pfister bauð ekki upp á neinar nýungar þegar hann tilkynnti leikmannahóp sinn sem keppir á HM.

Emmanuel Adebayor, sem nýlega gekk til liðs við Arsenal frá Mónakó, býr yfir hraða og knatttækni sem gæti reynst varnarmönnum mótherjanna erfitt að eiga við.

Fyrirliði: Jean-Paul Abalo Dosseh

Lykilmaður: Emmanuel Adebayor

Gæti slegið í gegn: Kossi Agassa