Staðráðnir í halda áfram auðgun úrans

Mahmoud Ahmadinejad, Íransforseti, tilkynnti um stöðu mála í sjónvarpsávarpi í dag. Þar sagði hann Írana nú hafa bæst í hóp þeirra þjóða sem hefðu yfir kjarnorkutækni að ráða. Hann sagði Írana staðráðna í að hefja auðgun úrans á sama stigi og þær þjóðir sem nýti sér kjarnorku. Forsetinn sagði vestræn ríki verða að virða rétt Írana til að nýta kjarnorku í friðsamlegum tilgangi. Yfirmaður Kjarnorkuráðs Írana sagði einnig í ávarpi í dag að búið væri að auðga úran nægilega mikið til að hægt sé að nota það í kjarnorkuverum. Bandarísk stjórnvöld sögðu síðan í kvöld að ekki væri hægt að fá þetta staðfest. Talsmaður Bush Bandaríkjaforseta sagði málið ekki taka rétta stefnu og ef fram haldi sem horfi verið bandarísk yfirvöld að ræða næstu skref við Þjóðverja og fulltrúa þeirra þjóðir sem eiga sæti í Öryggisráði Sameinuðu þjóðanna.