Berlusconi segir engan geta hrósað sigri

Silvio Berlusconi, forsætisráðherra Ítalíu og leiðtogi bandalags hægriflokka, segir engan flokk geta hrósað sigri í þingkosningunum sem fóru fram í gær og fyrradag. Hann segist aðeins sætta sig við sigur ólívubandalags Romanos Prodis eftir að búið verði að fara yfir atkvæðaseðla. Berlusconi segir margt athugavert við atkvæði frá Ítölu sem búsettir eru erlendis.

Innaríkisráðuneyti Ítalíu tilkynnti fyrir stundu að ólívubandalaga mið- og vinstriflokka hefði fengið 158 sæti í efri deild ítalska þingsins en bandalag Berlusconis 156 sæti. Áður var ljóst að flokkar Prodis náðu naumum meirihluta atkvæða í neðri deild og fengu fyrir vikið 64 fleiri þingmenn en hægrabandalagið.